Запрашаем на Каляды

Каляды – свята, якое лічыцца самым вялікім і галоўным у зімовы перыяд яшчэ з часоў язычнікаў. Гэтыя дні напоўнены радасцю і забавамі.

20 снежня 2022 года ў нашай школе таксама прайшлі калядкі. Навучэнцы 6 “Б” класа зладзілі невялікае касцюміраванае прадстаўленне “Запрашаем на калядкі”.

 Дзеці спявалі традыцыйныя беларускія калядныя песні, танцавалі і гулялі, вадзілі імправізаваную казу. Усім было весела. Усе госці  атрымалі  пачастункі. А, як вядома, па традыцыі, у абмен на пачастункі,  Каза прыносіць гаспадарам дастатак і мір у дом на ўвесь наступны год.